Wednesday, January 07, 2009

फॉरमेशन इन केऑस

१३ डिसेंबर २००८, मुंबई.

मुंबई विमानतळावर विमानातून बाहेर शिरतानाच हवा जड झाल्याचं जाणवतं. प्रदूषण. हा प्रदूषणाचाच परिणाम. विमानतळातून बाहेर पडता पडता समोर पसरलेली अस्ताव्यस्त गर्दी दिसते. केवळ समोर लावलेल्या बॅरिकेडसमुळेच त्या गर्दीला काहीसा आकार आलेला. विस्कटलेल्या गर्दीतून आपली माणसं शोधताना डोळ्यांची दमछाक होते. पॉप्युलेशन एक्स्प्लोजन.

दुपारच्या उन्हात रापलेली धूळ आकाशात अस्ताव्यस्त उडत असतानाच आमची टॅक्सी आम्हाला दिसते. आडवा झालेला टॅक्सीवाला उठून सामान टपावर चढवतो आणि आम्ही मार्गस्थ होतो. केवळ वाहनं जातायत म्हणून त्याला रस्ता म्हणायचं. शिस्त नाही. लेन आखूनही पाळायच्या नाहीत. भरपूर हॉर्न वाजवायचा. ड्रायव्हिंग मॅनर्स अजिबात पाळायचे नाहीत. लोकं एका ठिकाणाहून दुसऱ्या ठिकाणी पोचतात हेच आश्चर्य आहे.

गल्लीत पोचतो तर तिथे सार्वत्रिक गोंधळ. रस्त्यावर एक माणूस बेंबीच्या देठापासून ओरडून बोलतोय. मुलं दंगा करतायत. त्यांची मारामारी चाललेय, एक भाजीवाला गाडी लावून रस्ता अडवतोय.

व्हॉट अ केऑस.

२ जानेवारी, २००९, मुंबई.

विमानतळावर जाण्यासाठी मी घर सोडतो. सुट्टी संपल्याचं दुःख आणि प्रियजनांपासून दूर जाण्याचं दुःख.

गल्लीत नेहमीची दुपारची शांतता पसरलेय. भाजीवाला आपली गाडी तशीच सोडून कुणाचीतरी भाजी पोचवायला बिल्डिंगमध्ये शिरलाय. रस्त्याच्या तोकड्या जागेत मध्ये नेट लावून मुलं बॅडमिंटन खेळतायत. तिसऱ्या मजल्यावरच्या लिमयांच्या मुलाशी त्याचा मित्र रस्त्यावरून अभ्यासाबद्दल बोलतोय.

त्या गडबडीतच मी गाडीत बसतो गाडी चालवायला लागतो. गल्लीच्या तोंडापर्यंत पोचायलाच चार पाच हॉर्न्स होतात. रस्त्यावर गाड्यांची गर्दी ओसंडून वाहतेय. प्रत्येकालाच आपल्या ठिकाणी पोचायचंय. रस्ते थोडे वाहनं फार झालेयत. पण सगळं कसं शिस्तीत चाललंय. लोकं लेन बदलतायत रेटारेटी करतायत मध्येच गाड्या घुसवतायत आणि मीही.

मजल दरमजल करत आम्ही एअरपोर्टला पोचतो. गर्दी ओसंडून वाहतेय. आपापल्या लोकांना निरोप देऊन लोकं चालू पडतायत. आणि मीही.

४ जानेवारी २००९, मेलबर्न.

जगाच्या कुठल्यातरी भोकात जाऊन मी वर्षभर बसलो की परत भारतात आल्यावर सार्वत्रिक गोंधळ असल्यासारखं वाटतं खरं, पण दिवस जातात आणि त्या गोंधळाच्या पडद्याआड लपलेली एक संघटना दिसायला लागते.

India is a beautiful formation in the midst of chaos.

.

13 comments:

Meghana Bhuskute said...

खतरनाक मस्त झालंय हे पोस्ट. अगदी नेमकं. नव्या वर्षाच्या शुभेच्छा. :)

Monsieur K said...

an old friend, who's been staying in the US for last 8 years, and i were having a similar discussion on traffic chaos and driving a car in the world-famous "pune" traffic, just last week - tyaachi aathvan jhaali - hee post vaachun!

did u see the titles of "rab ne banaa di jodi"?
no comments on the movie - but the cinematographer has captured the details of a city like amritsar quite effectively in the opening titles - no wonder, it struck a chord with the NRI junta!

i guess, i appear to digress.. but i'm just drawing parallels with the point u are making.. india is indeed a beautiful formation in the midst of chaos :)

Prasanna said...

mast lihilayas mitra...me geli 2 varsha UK madhe aahe, evdhya kalat 2 trips zalya India chya... pan pratyek veli hich bhavana yete dokyat

Anonymous said...

Hi Mate,

Nice post mate. After coming back to Tullamarine you must be in a shock everytime, right?

But i like that chaos more than the chaos at Flinders St. station at 5.30 pm.

Anyways nice to see someone from melbourne.

Bye.

यशोधरा said...

मस्त झाली आहे पोस्ट!

Nandan said...

Post aavaDala. Method in madness nakkeech aahe!

Shardul said...

Mitra.... chan lihilas....

are tu bharatatali goshta kelis...pan Bays water pasun flinder strt la gelyawar pan asach vhayacha mala :) :) :)


ek goshta nakki re.... bharata sarakha kahich nahi....


kasahi asala tari baher rahilyawar bharat jastach awadayala lagato...

Cheers

Samved said...

Hiihihi..i am a proud driver in Pune :)
Ask me to drive on Mars and I can do it...

But it's it live? Sometime I find it more human ...;)


Happy new year

Mrs. Asha Joglekar said...

अगदी खरंय. पण आम्ही सहा महिने मुद्दाम इथे येऊन राहातो. पाय नेहेमी जमीनी वर राहावेत म्हणून अन आयुष्यातला कोरडे पणा जावा म्हणून

Jaswandi said...

"India is a beautiful formation in the midst of chaos."

:) :)

Prajakta said...

Post madhla "parallel" construction avadla- first part on chaos and the second on formation.
Very well crafted!

me said...

छान लिहीता राव!!!!

विनायक रानडे said...

well crafted plot of chaos by those gone by rulers and helping to escalate it more by existing rulers is India not Bharat.